Testi musica - Sal Da Vinci - Anime Napoletane - Dicitencello Vuje

 

 

 

 

 

Dicitencello a 'sta cumpagna vosta
ch'aggio perduto 'o suonno e 'a fantasia...
ch''a penzo sempe,
ch'e' tutt''a vita mia...
I' nce 'o vvulesse dicere,
ma nun ce 'o ssaccio di'...

Rit.'A voglio bene...
'A voglio bene assaje!
Dicitencello vuje
ca nun mm''a scordo maje.
E' na passione,
cchiu' forte 'e na catena,
ca mme turmenta ll'anema...
e nun mme fa campa!...

Dicitencello ch'e' na rosa 'e maggio,
ch'e' assaje cchiu' bella 'e na jurnata 'e sole...
Da 'a vocca soja,
cchiu' fresca d''e vviole,
i' gia vulesse se'ntere
ch'e' 'nnammurata 'e me!

Rit.'A voglio bene...
'A voglio bene assaje!
Dicitencello vuje
ca nun mm''a scordo maje.
E' na passione,
cchiu' forte 'e na catena,
ca mme turmenta ll'anema...
e nun mme fa campa!...

Na lacrema lucente v'e' caduta...
dici'teme nu poco: a che penzate?!
Cu st'uocchie doce,
vuje sola mme guardate...
Levammoce 'sta maschera,
dicimmo 'a verita...

Te voglio bene...
Te voglio bene assaje...
Si' tu chesta catena
ca nun se spezza maje!
Suonno gentile,
suspiro mio carnale...
Te cerco comm'a ll'aria:
Te voglio pe' campa!...